١- من ال٧ الصبح بالطريق و ساعة و نص ازدحامات و بس تسمع صوت سيارات الحمايات و صوت (وخر أبو السايبا)
٢- الدخول للدائرة شبيه بالدخول لقلعة "مونت سانت ميشيل" الفرنسية من شدة إرتفاع الصبات الكونكريتية و الحمايات في البوابات الضيقة و الي ما ينقصها غير خندق مائي و جسر و تكمل السبحة.
٢- الدخول للدائرة شبيه بالدخول لقلعة "مونت سانت ميشيل" الفرنسية من شدة إرتفاع الصبات الكونكريتية و الحمايات في البوابات الضيقة و الي ما ينقصها غير خندق مائي و جسر و تكمل السبحة.
٣- تحتاج إلى ساعة كاملة على الأقل حتى تستوعب الطريق و الأماكن في الدائرة لكثرة الدهاليز حتى جوجل ما يحلها و بعدين ساعة ثانية حتى تعرف وين تودي معاملتك.
٤- كل وجه راح تمرله ٦ مرات لأنه كلشوية يدزوك على نفس الشخص وهو يدزك لشخص أخر و صراحة تدخل أماكن تشك بنفسك شبهة أو مطلوب للأمن .
٥- الدرج صار شي بسيط لانه كل ١٠ دقايق صاعد للطابق الثالث و الرابع و نازل للأرضي و نصه حجيات بالكوة يصعدن و صاير إزدحام سيطرات.
٦- عادي جداً تشتغل مراسل بالدائرة لأنه كل شخص يرسلك لشخص يرسل وياك شي اله لو يطلب منك تجيب شي و انت راجع .
٧- عادي جداً ضابط يرجعلك و الثاني يمشي أمرك ماهو القانون مزااااج يا باشا شوف ياهو بيهم متصافي وية مرته و أطفرله.
٨- نص الواسطات وجاهة و تفتح عين المراجعين عليك و تسمع ( اي عيني حظوظ الجماعة عرف و أمورهم عدلة ) و الحقيقة تاكل فرة مرتبة و كل الدائرة تسمع إسمك و "البخت ضايع".
٩- الحذر كل الحذر من رتبة الملازم أول لأنه هوايتهم يرسلوك للسطح و يرجعوك لأجل ختم بسيط و طبعاً رتبة الرائد كاعدلك بمكتب و تلفزيون وفيلم هندي و مكيف و يصنف وياك و كالأسد تضحك ولا كأنك مصموط ضميرك .
١٠- عادي جداً و بشدة انك تنتظر بالصف و بعدين تسمع (حبيبي انت مراجعتك فوگ) و طبعاً صف ثاني و جيب توقيع و على حس الطبل خفن يا رجلية.
١١-بعد ٥ ساعات من "شلعان الگلب " تستلم "المگموعة" و تطلع و إنت تشعر بأنه جدك سنروب السومري إنصمط من القهر.
ملاحظة : للأخوة العرب تتوفر ترجمة و إستنساخ ملون و كبس هويات و مدرس خصوصي ( هو مكتوب أني معلية )
و أخر شي نرجع كالأسود بسايبا و مشغل تكييف 
)
)
ليست هناك تعليقات:
إرسال تعليق