الجمعة، 13 أبريل 2018

في وداع الخيال

قيل حينما تترك خيالك فإن الطفل الذي بداخلك سيشيخ فجأة ! و ستشعر بأنك كبرت عشرات السنين في ليلة واحدة بل ساعة قرار نهاية مخيلتك.
قد يستغرب البعض هل ثمة من يتخيل في هذه الأيام ؟ - يتسائلون بتجهم - أوليست المخيلة من أفعال الطفولة ؟
بالفعل إن المخيلة من أفعال الطفولة، ويالها من أفعال رائعة ، فحين يكون الطفل الذي بداخلك متحمساً و متغذياً بالخيال ، فإنك لن تشعر بعمرك يزيد ولو قاربت الخمسون على البلوغ.

ولكن حينما تربط خيالك بواقعك و تفترض إنه سيكون جزءاً من مستقبلك ، و أن تربطه بعمر معين و تصحو و انت تعبر هذا العمر يكون كمن حشر مخيلته حشراً لا مفر من الانحشار فيه .

فيا صاحبي إن ربطت مخيلتك بواقعك فحاول أن تكون واقعية ، و هنا ستتحول من الخيال إلى الحلم ، مبروك ، لقد كبرت فجأة ! فالأحلام هي للكبار و هي التي قد تدفعك إلى الجنون و قد تتحق أو لا تتحقق - على مقدار "شطارتك" - و قد تشغلك بحيث تنسى الواقع
و خيالك يا صاح هو ملكك ، عالمك الموازي ، جنونك و طيشك الخاص بك ، فإنتبه عندما تحوله إلى حلم ، فأنت تحرم نفسك مماهو ملكك .
ولكن عليك أن تحلم ، فبحلمك يكون الطموح و الطريق ، و إياك أن تبالغ أو ان تجعله مادياً تافهاً لا يتعدى بضع وريقات خضراء ، إجعله أسمى .. حينها يكون حلمك ما يستحق أن تعطيه جزءاً من خيالك ، و لا تعطيه كله.

و هنا تشعر أيضاً بأنك كبرت فجأة و أصبحت في واقع ليس من صنعك ، حاول تقبله فإنها الحياة .
أكتب و قد تفتحت طلائع شعرات الشيب منذرة المخيلة بالرحيل و منذرة الحلم بأن وقته أصبح محدوداً و الواقع أصبح أصعب .

الاثنين، 9 أبريل 2018

بغداد لم تسقط انما دخلها ...


‏هاي بعد دخلنة يوم ٩ نيسان و راح تشتغل استوديو التحليل العراقية برعاية ( بغداد لم تسقط إنما دخلها الساقطون) و چنة وين وصرنة وين و أيام قبل لو هسة
و تبدي رحمة الله ولي بعثي ..انچب تبعي ..الله يرحمه ..الله يلعنه.. الي هسة علساس شلونهم.. ما تكدرون عالحرامية بالحكومة كادرين عالفقير - هاي بكل نقاش تنگال متدري ليش- .. الي بالحكم بيضوا وجهه..الله چنة بأمان..الله عالهيبة.. اي حقك ما عشت بالحصار و تاكل صمون جيش.........الخ و تطول الكليشة
بشرفكم .. بشرفكم.. بشرفكم .. مرة لخ بشرفكم
ما مليتوا ؟؟ ما جزعتوا ؟ ما طگت روحكم ؟
ادري نفس النقاش من ١٥ سنة تتناقشون بيه و نفس الحچي و نفس الأجوبة ، نفس الي يترحمون و نفس الي يلعنون
و نفس الطاس و نفس الحمام
ولكم كافي .. بشرفكم كافي .. ترة صارت بلا ملح تگول مرگة شجر مال واحد صاعد ضغطه!
ادري لو تاكل مرگة بامية ١٥ يوم يومية هم تجزع ، يعني ماكو شي جديد تكول العراق من ال٢٠٠٣ لليوم واگف بمكانه مثل " إدرار البعير" بس واحد يذبهة براس الثاني
عمي ترة العالم وين وصلت و احنة وين .. شوية امشوا ليكدام ترة ١٥ سنة كظيناهة و ما وصلنة لحل لا هو "احتلال " و لا هو "تحرير" و كلمن يطرب على هواه
مرحلة مفصلية صارت و لازم نمشي ما نظل بنفس المكان واگفين ، باچر احفادنة يضحكون علينة مثلما نضحك على حرب البسوس الي كظوهة ٤٠ سنة حرب على ناقة انضربت .
(هسة يجيني واحد يكولي طيحت حظ التاريخ)
ما نطول السالفة عليكم هاي بعد ٩/٤/٢٠٠٣ صار تاريخ احنة اليوم ٩/٤/٢٠١٨ يعني كافي .. عقد و نص كظيناها هيچ ما نريد نوصلها قرن و احنة بهالحال .. بشرفكم كافي
الصورة جوابي للي راح يتمنطقون بهالمقولة اليوم مضروبين اللشة ما عدهم ابديت